متصلة لـ"السيسي": "اللي بيحصل حرام ارحم شعبك" (فيديو)

أحمد هلال

01:24 ص

الجمعة 19/مايو/2017

أهل مصر
طالبت سيدة تدعى أم محمد من محافظة الإسكندرية، الرئيس عبد الفتاح السيسي، بعدم الموافقة على قانون منع استخدام مكبرات الصوت، أثناء صلاة التراويح، في رمضان المقبل.

وقالت السيدة في مداخلة هاتفية ببرنامج "كلام جرايد"، الذي يقدمه مجدي طنطاوي، على فضائية "العاصمة"،: "يرضي ربنا إن صلاة التراويح لا تكون جهرًا.. يرضي ربنا حتى الصلاة والأذان اللي كنا بنسمعه في المسجد يتلغي؟.. ليه يمنعوا الأذان يا أستاذ مجدي.. صلاة التراويح طول عمرنا بنسمعها جهرًا.. ليه يمنعوا مكبرات الصوت".

وتابعت: "ليه يمنعوا الأذان.. ليه الريس يقول آمين.. يا ريس شعبيتك بتسقط منك.. ياريس احنا بنحبك بس ده حرام.. حتى شهر رمضان ربنا قال أنزلنا فيه القرآن.. الشهر الوحيد اللي بنستناه من السنة للسنة.. قول للريس الحكومة بتكره الناس فيك.. أنا سيساوية مش إخوانية".

وأكملت حديثها قائلة: "أنت منعت الأغاني في رمضان.. منعت المسلسلات.. منعت الأفلام.. منعت القهاوي.. منعت الخمارات.. بتمنع صلاة ربنا ليه؟".

وقالت: "لازم قرار محمد جمعة يتلغي.. أنا مش بحب محمد جمعة دلوقتي.. أنا بسمع التراويح وبصلي.. وفي ناس بتسمع الأذان وتدخل تصلي.. ياريس حرام.. ياريس ارحم شعبك.. حتى الدين بيحاربونا فيه؟".